La Prussia ha survegnì la dignitad roiala il 1701, entras l’encurunaziun da ses duca Fadri a Königsberg (oz Caliningrad), ed è svanida sco stadi independent il 1871 entras la proclamaziun da l’Imperi tudestg. En 170 onns è la Prussia daventada ina pussanza da muntada internaziunala. Decisiv è stà en spezial il regiment da Fadri II (1712-1786) che ha manà la Prussia sco tschintgavel stadi en l'uschenumnada Pentarchia da las pussanzas grondas europeicas (sper la Gronda Britannia, Frantscha, Austria e Russia).