Il cudesch fascinescha alpinistas, amis da l’art, geologas, geografs, istorichers e graficras. El ha sulet dus dischavantatgs: la paisa da ca. 3 kilos ed il pretsch da 338 francs. «Hans Conrad Escher von der Linth, il grond politicher e filantrop svizzer, n’ha mai gì en senn da daventar artist. Tuttina ha el laschà enavos cun ses dissegns ina ovra che munta insatge singular.» Cun quels pleds introducescha René Brandenberger il cudesch «Die ersten Panoramen der Alpen». Maletg: extract dal panorama dal glatscher da Morteratsch. [Tenor ANR].