Da chalonda favrer 1208, a Montpellier, oz chapitala da la regiun franzosa da Languedoc-Roussillon, è naschì prinzi Giatgen, figl ed ertavel da retg Pieder d’Aragón (1176–1213). Quest ultim è vegnì mazzà en la terrada da Muret sper Tolosa (oz Toulouse/Frantscha), battì dals «cruschads» franzos clamads dal papa cunter ils «eretics» da lezza regiun. Retg Giatgen perencunter è mort d’ina greva malsogna, cun 68 onns, a València, chapitala d’in reginam ch’el sez aveva fundà, cun ina constituziun ch’el aveva engirà da respectar e ch’el ha adina respectà. [Tenor LQ].

(Foto: Luis García / CC BY 2.0)