Il Surses cumpiglia l'intschess da la Gelgia sur il Crap Ses tranter 1000 e 3400 m.s.m. Sin il stgalim inferiur (Sotgôt) sa chattan las vischnancas da Cunter, Suagnign e Tinizong (a l'ost da la Gelgia en il funs da la val a la via da transit) sco era quellas da Salouf e Riom-Parsonz (sin la spunda vest). Sin il stgalim superiur, v.d. sur il guaud da Tinizong (Surgôt) sa chattan las vischnancas da Rona, Mulegns e Beiva, construidas lung la via, la vischnanca aglomerada da Sour sin la spunda ost da la val e quella da Murmarera, reconstruida il 1954 sur il lai da serra cun il medem num. [Tenor e-lir].

(Foto: Adrian Michael / CC BY-SA 3.0)