La tschuetta da la mort è activa da di e da notg; il pli activa è ella tranter stgir e cler. Davent da posts bass u sin sgols da guetta fa ella chatscha sin mieurs, insects e pitschens utschels. Las tschuettas da la mort han ina relaziun da partenadis detg stretga e restan l’entir onn ensemen. Ils utschels sa conuschan individualmain e nettegian in a l’auter regularmain las plimas. Pli baud era la tschuetta da la mort in utschè cuader fitg derasà en las planiras da la Svizra. Cunquai ch’ils curtins da pumera ed ils insects gronds èn svanids pli e pli, è lur dumber sa reducì dapi ils onns tschinquanta a moda dramatica. Oz cumpara la tschuetta da la mort sin la glista cotschna.

(Foto: Trebol-a / CC BY-SA 3.0)