Avant intgins onns sblundregiavan ils uffants las cartas da Pokemon en ils negozis da termagls. In zic pli tard eran ils Pokemons «out», il nov trend sa numnava Beyblade – ed uschia vinavant. La vendita funcziuna mintgamai tenor il medem princip: I dat ina seria da comic e blera reclama ed il cor d’in uffant fa sparuns, sch’el chatta adagur quests termagls da moda en ina stizun. Ed ils creschids, vul dir ils geniturs, pajan. Ma betg tut las staziuns da termagls èn prontas da suandar quests trends. [Tenor ANR].