«Parlez-vous Suisse?» è ina cuminanza da lavur d’organisaziuns che s’engaschan per la promoziun da la diversitad linguistica e culturala en Svizra sco era per la chapientscha vicendaivla tranter las cuminanzas linguisticas. Ella sa basa sin la persvasiun che la diversitad linguistica e culturala è ina schanza irremplazzabla e da gronda valur per l'avegnir da la Svizra e che sia promoziun è ina premissa per la convivenza paschaivla. Tenor la cuminanza da lavur èn sias finamiras cuntegnidas en ina plattafurma communabla cun dudesch tesas. Quellas èn decisivas per las activitads che las organisaziuns realiseschan communablamain u era independentamain.