Inspirar, expirar. Ils musculs da la respiraziun lavuran di e notg, cun la regularitad dal mecanissem d'ina ura, e segireschan al corp uman il provediment cun oxigen. Tar para- e tetraplegichers funcziuna quest sistem però mo darar senza problems. Ils disturbis da la respiraziun pon schizunt periclitar la vita dals pertutgads. Per ils pazients en il Center svizzer dals paraplegichers a Nottwil èsi perquai tant pli impurtant da pudair quintar cun l'agid integral ed attentiv dals spezialists dal Respiratory Care Team. Plinavant po in trenament efficazi da la musculatura da respiraziun augmentar considerablamain il bainesser e la qualitad da vita dals pertutgads.