Il vitg da Guarda en Engiadina Bassa sa chatta sin ina terrassa a sanestra da l'En. Cun la construcziun da la via en il fund da la val (1862) è era il progress economic passà per gronda part speravi a la vischnanca. Per quella raschun e grazia ad ina restauraziun cumplessiva (1939-45) è Guarda restada ina da las vischnancas engiadinaisas las pli bain mantegnidas. Il 1975 ha ella survegnì il Premi Wakker ed il maletg dal vitg è vegnì classifitgà il 1985 sco d'impurtanza naziunala. Dapi il 2015 fa Guarda part da la vischnanca da Scuol. [Tenor e-lir].

(Foto: Gregory Zeier / CC BY-SA 3.0)