St. Peter è attestà sco vitg pir vers la fin dal temp medieval. La baselgia da vallada, menziunada per l'emprima giada l'onn 831, appartegneva a la claustra da Faveras ch'incassava qua las dieschmas da trais culegnas. Grazia a la baselgia ed a sia funcziun sco lieu da dretgira è St. Peter daventà il center da quella. La refurmaziun è vegnida introducida il 1530. La lingua rumantscha è sparida enturn il 1570. Dapi il 1984 è sa sviluppà a St. Peter-Fatschel (Hochwang) in turissem d'enviern moderà. Il 2008 è sa furmada tras fusiun la vischnanca da St. Peter-Pagig e dapi il 2013 fa quella part da vischnanca dad Arosa. [Tenor e-lir].

(Foto: Adrian Michael / CC BY-SA 3.0)