Fracziun da la vischnanca politica da Tavau, situada a 1626 m al sid da Tavau sin la spunda sanestra da la Val da la Landwasser. Il num deriva dal latin monasterium e sa referescha probablamain ad in bain claustral ed a servs da la claustra da Curvalda. Monstein ha furmà a partir dal 1654 ina plaiv cun Glaris, da la quala la vischnanca è sa separada il 1719, constituind ina pravenda cun in agen reverenda. L'emprima baselgia, construida en ils onns 1668-70, è vegnida bandunada il 1896, cura ch'ins ha realisà in edifizi nov al nord dal vitg. [Tenor e-lir].

(Foto: Xenos / CC BY-SA 3.0)