Men Rauch ha lavurà sco geometer, inschigner, redactur e president communal da Scuol ed è stad activ en occupaziun accessorica sco poet, raquintader, cabarettist e trubadur. El ha fundà ed è stà redactur da la «Gazetta Ladina» (1922–39) e dal «Fögl Ladin» 1945–58. Rauch ha scrit raquints da chatscha en stil popular, anecdotas e poesias umoristic-satiricas. El ha creà ils programs da cabaret «La Panaglia» e «La travaglia dal docter Panaglia» ed ha scrit las collecziuns da biografias «Homens prominents ed originals» sco era il gieu al liber «La chanzun da la libertà». [Tenor e-lir].