La val s'extenda sur 15 km ad in'autezza da 2000 m. Enturn la mesadad dal 14avel tschientaner è la Val da Lei stada abitada temporarmain durant l'entir onn da colonists derivants dal sid. En il 17avel tschientaner han ins explotà minerals en la Val da Lei. Cura che las Trais Lias han pers la Vuclina il 1797 è la val daventada ina zona da cunfin. Cun la correctura dals cunfins tranter la Svizra e l'Italia (1962-63) èn var 45 ha da la val vegnidas attribuidas a la vischnanca da Calantgil, cumprais il mir da serra dal nov batschigl da las Ovras electricas Rain Posteriur. [Tenor e-lir].

(Foto: Lino Schmid / CC BY-SA 4.0 / cropped)