La Crestomazia, edida da Caspar Decurtins, è cumparida tranter il 1896 ed il 1919. Cun sias radund 7500 paginas en 13 toms è ella la collecziun da texts rumantschs la pli voluminusa. La Crestomazia cuntegna manuscrits, litteratura stampada sco era documents da la tradiziun orala che dattan perditga dal svilup da la lingua rumantscha sco era da l'istorgia e da la cultura populara tranter il Rain e l'En dal 16avel fin a l'entschatta dal 20avel tschientaner. L'entira retscha è vegnida restampada tranter il 1982 ed il 1986 ed amplifitgada cun documents da la Val Schons (tom XIV) e cun in register en tudestg (tom XV). Dapi l'onn 2011 èn ils texts er accessibels online.