|
Andri Peer crescha si en Engiadina Bassa. Suenter il seminari da magisters a Cuira studegia el romanistica a Turitg e Paris, dal 1960 cumpara sia dissertaziun davart la chasa purila grischuna. Dal 1952 fin al 1983 è el docent da franzos e talian al gimnasi da Winterthur. Andri Peer è stà in dals pli activs ambassadurs per lingua e cultura rumantscha sin livel naziunal ed internaziunal. A partir dal 1943 ha el publitgà poesias, raquints, traducziuns litteraras, essais e numerus artitgels. |
