|
La festa naziunala sa referescha al patg federal dal 1291, ella è però vegnida celebrada per l'emprima giada pir il 1891. L'istorissem resultà da l'entusiassem per la modernisaziun dal 19. tschientaner cun l'intent da stabilir a medem temp ina distanza e vischinanza, ha sveglià in basegn per giubileums istorics. L'emprim èn ins sa regurdà da las guerras e da las adesiuns a la Confederaziun. Curt avant il 1891 è alura naschida l'idea da festivar il 600. anniversari da la Confederaziun. Il 1891 è la festa naziunala vegnida commemorada sco festa centenara, senza prender en egl ina repetiziun annuala. L'introducziun da la festa annuala è succedida pir il 1899. [Tenor e-lir]. |
