|
En il temp medieval aveva il Bernina anc in'impurtanza secundara per il traffic da transit che sa splegava oravant tut sur Clavenna e sur ils pass al vest. Cun la conquista da la Vuclina tras ils Grischuns il 1512 è la ruta dal Bernina daventada fitg impurtanta. Ella era numnadamain la via la pli directa en la Republica da Vaniescha, cun la quala ils Grischuns tgiravan contacts d'amicizia. Il traffic sur il Bernina ha cuntanschì sia culminaziun vers la mesadad dal 16avel tschientaner. Tranter il 1842 ed il 1865 è vegnida construida la via charrabla, tranter il 1908 ed il 1910 la lingia da la Viafier dal Bernina. [Tenor e-lir].
(Foto: Adrian Michael / CC BY-SA 3.0) |
