|
Ils peschs appartegnan als vertebrads (animals cun spina dorsala) e furman entaifer quels ina gruppa d’animals che viva en l’aua e che respira tras las brantschas. I dat fitg bleras spezias da peschs, numnadamain radund 32 500 u bundant 50% da tut las spezias da vertebrads insumma. Ils peschs cun rotla vivan praticamain be en las mars. A questa classa appartegnan ils squagls, las rajas e las schimeras. Tar ils peschs cun restas è il skelet vegnì parzialmain u dal tuttafatg dad ossa.
(Foto: Haplochromis / CC BY-SA 3.0) |
