|
Cun ina colur da fund tranter verd stgir e blau verd ed ina lunghezza da radund 30 cm dat il luschard verd immediat en egl. Suenter l’emprima spelada, il pli tard suenter l’emprim enviern, cumparan duas strivlas cleras da las varts dal corp dal luschard giuven. La gula dal luschard verd daventa pir a partir dal terz onn blaua e cuntanscha in blau pli intensiv tar las femellas. En Svizra vivan differentas populaziuns da luschards verds; ins po observar da quellas cun gula grischa, blaua u melna. Il territori dal luschard verd sa restrenscha a las zonas pli chaudas dal pajais, al Tessin, il Grischun dal sid e zonas enturn Genevra.
(Foto: Se90 / CC BY-SA 3.0) |
