SCUVRAMUND – dossiers tematicsMAGLIACUDESCHS – blog da lectura

Il Pass da la Crusch (tudestg Chrüzlipass) è in passadi a 2347 m che collia la Val Tujetsch cun la Val Maderana e la Val da la Reuss uranaisas. En il temp da Hallstatt manava probablamain ina via da Biasca sur il Lucmagn ed il Pass da la Crusch en la Val da la Reuss. Fin en il temp medieval tardiv ha quest pass gì la medema impurtanza sco il Cuolm d'Ursera (Alpsu/Crispalt); el vegniva utilisà stediamain dals Tuatschins per il commerzi cun muvel manidel cun la Svizra Interna. Fin l'entschatta dal 20avel tschientaner han ins utilisà il pass era per pelegrinar a Nossadunnaun. Oz ha il Pass da la Crusch mo anc in'impurtanza turistica marginala. [Tenor e-lir].

(Foto: Roland Zumbühl / CC BY-SA 3.0)