|
Mo gist 15 onns suenter la creaziun dal stadi federal è vegnida fundada la Societad svizra d’economia alpestra (SEA). L’intent da la societad è vegnì descrit en ils emprims statuts: «Augmentar l’economia alpestra e da latgiras, render enconuschentas generalmain prestaziuns excellentas e sustegnair talas cun tutta forza.» Las finamiras, las valurs ed ils interess da la societad valan anc oz e la dattan in caracter atemporal sco quai ch’han las muntognas e las alps. |
