|
Leggia è in abitadi situà en la part inferiura dal Mesauc. In'inundaziun ha destruì la baselgia parochiala, reconstruida il 1513 e transfurmada il 1610 ed il 1685. Sur Leggia sa chatta la chapella da S. Remigi ch'era in lieu da pelegrinadi en il temp medieval. Il 1775 ha la communitad da Leggia stuì ceder l'entira Val Leggia (che s'extenda al sid da l'abitadi, vers Grono) a la famiglia a Marca da Mesocco, vers la quala ella era fermamain indebitada. Questa situaziun ha provocà en il 19avel tschientaner in lung conflict tranter la vischnanca ed ils a Marca. Dapi il 2017 fan Leggia e Verdabbio part da la vischnanca da Grono. [Tenor e-lir].
(Foto: Adrian Michael / CC BY-SA 3.0) |
