SCUVRAMUND – dossiers tematicsMAGLIACUDESCHS – blog da lectura

Pudair communitgar sur lungas distanzas è in basegn uman preschent da vegl ennà. Pli baud vegnivan las brevs rimnadas en ustarias lung las vias e spedidas tras curriers. Per il Grischun era en spezial il curs da currier da Lindau via Cuira a Milaun d’impurtanza. Tranter il 1803 ed il 1848 èn alura ils chantuns stads responsabels per la spediziun da brevs e da pachets; silsuenter ha la Confederaziun surpiglià questa incarica. Cun il svilup da la telecommunicaziun a partir dal 19avel tschientaner han telegraf e telefon, pli tard la radiofonia mobila e l’internet concurrenzà pli e pli fitg la communicaziun a scrit tradiziunala.