|
1995–2002 è la Bosnia-Erzegovina stada in protectorat da las Naziuns unidas tenor la cunvegna da pasch da Dayton. Ils 15 da schaner 2003 ha l’Uniun europeica surpiglià lezza incumbensa. Co vai vinavant en lez pajais balcanic, limitrof da Croazia, Montenegro e Serbia, che furma in stadi central flaivel dividì en la Republica serba (RS, chapitala Banja Luka) e la Federaziun bosniaca croata (chapitala Sarajevo)? La Bosnia-Erzegovina (4,1 milliuns olmas) cumpiglia trais naziuns principalas che sa distinguan be entras la religiun; ils Bosniacs (43,5%) èn moslems, ils Serbs (31,3%) ortodoxs ed ils Croats (17,4%) catolics. [Tenor LQ].
(Foto: Ramirez / CC BY-SA 3.0) |
