|
Grotta (tudestg Kropfenstein) è in chastè da grotta en la vischnanca da Vuorz, erigì suenter il 1300. Il cumplex, construì en furma lunghenta ed irregulara, sa chatta en ina paraid-crap stippa ed accessibla mo da l'ost sur ina senda stretga en il grip. Dal portal cuntansch'ins in tract stretg da trais plauns. En la part davos, pli largia, dattan in ercul cun latrina, in auariel appartegnent a la cuschina e pliras fanestras dotadas cun nischas da seser perditga d'in tschert confort da l'avdanza situada en quest lieu pauc ospitaivel. Il chastè è vegnì bandunà presumablamain suenter il 1450. [Tenor e-lir].
(Foto: Adrian Michael / CC BY-SA 3.0) |
