|
«Rampinadara da gnieus», «giazla ladra». Savens vegn rinfatschà a noss corv da la cua lunga d’esser la culpa per il regress da bleras spezias d’utschels chantadurs. Ma utschellins ed ovs furman be 2-3% dal nutriment da las giazlas. Ins ha cumprovà en studis cha las spezias d’utschels pitschens pon esser fitg variadas era en regiuns cun bleras giazlas, sch’il spazi da viver è adattà.
(Foto: Diginatur / CC BY-SA 3.0) |
