|
La giugadra u il giugader gioga en ina Svizra virtuala ed agescha d’ina vart sco interprendider e da l’autra vart sco minister da l’economia. Cun sias acziuns po el manar cun success ils otg secturs economics definids e contribuir uschia al svilup da ses pajais. Il gieu da la SRG SSR mussa el a moda impressiunanta quant interessant ed a medem temp difficil ch’igl è da contribuir al success economic d’in pajais, resguardond las pli diversas influenzas. Plinavant realisescha il giugader a moda ludica ch’ils pajais industrials bainstants n’èn betg mo dependents da l’immigraziun da forzas da lavur spezialisadas, mabain ch’els profitan era da las lavurantas e dals lavurants main qualifitgads. |
