S. Martin è naschì en l’Ungaria dal sidvest dad oz. Ses bab, uffizier roman, l’ha tramess ad emprender ductrina a Pavia e lura en l’armada imperiala en Gallia. Durant lezza fasa da sia vita è succedì ad Amiens quel schabetg che blers artists han glorifitgà, cur che Martin ha partì ses mantel da chavalier per vestir in murdieu bunamain niv. Lur è’l ì a sa scolar tar uvestg Hilarius da Poitiers. 361 a Ligugé, a sid da Poitiers, ha Martin fundà ina cella ch’è lura creschida ad ina da las emprimas claustras da l’Occident. Il pievel l’ha elegì 371 uvestg da Tours. [Tenor LQ].