La Val Tamina collia la Part Sura Songagliaisa cun la Val Calfeisen e sur il Cunclas cun las vals dal Rain grischunas. La vallada furma il cunfin settentriunal dal Grischun cun il Calanda e cun l'alp da Mastrils. Ella fascheva part da l'uschenumnada Via da muntgs medievala che manava da Faveras a Mustér ed era appreziada sco ruta secundara per il traffic da sauma e per guntgir ils dazis da la Val dal Rain a Cuira. [Tenor e-lir].

(Foto: Roland Zumbuehl / CC BY-SA 3.0)