|
Tge offerta culturala datti en Svizra, quantas persunas fan diever da quella e quantas èn sezzas activas culturalmain en lur temp liber? Quants daners impunda il maun public per sustegnair la cultura en Svizra e quantas persunas lavuran sezzas en l’economia culturala? Las respostas sin talas dumondas, che servan tant a la scena culturala sco er a la politica ed a la populaziun interessada, preschenta l’Uffizi federal da cultura en ina broschura che cumpara dapi il 2014 mintg’onn en las quatter linguas naziunalas. |
