|
Il «Forum Helveticum», fundà l’onn 1968, è in lieu d'inscunter e da dialog. El promova l’infurmaziun e la discussiun davart dumondas actualas da la vita publica en Svizra. Tematicas centralas èn il svilup da la societad, da la politica e da la cultura en Svizra, dumondas en connex cun l’avegnir economic e social, dumondas da la coesiun naziunala, la chapientscha vicendaivla tranter las cuminanzas linguisticas e la posiziun da la Svizra en la communitad dals pievels. Il FH organisescha dietas ed inscunters, edescha publicaziuns e realisescha furmas particularas da projects, sco p.ex. partenadis da vischnancas, la website «punts-info» u il project da medias «Discours Suisse». [Tenor FH]. |
