|
La dumonda è: Co fan ins ina fotografia d’art? Il fotograf Hans Danuser na dovra per ses maletgs betg il term «fotografia d’art» era sche sias fotografias èn art. En ils onns setanta, cura che Danuser ha cumenzà a fotografar, na valeva la fotografia anc betg sco art. Sch’el scheva ch’el fetschia fotografias en il senn artistic, chapivan ils pli paucs quai. Tut che dumandava: «Fas fotografias per gasettas u per agenturas da reclama?». [Tenor ANR].
(Foto: Hans Danuser / CC BY-SA 4.0 / cropped) |
