SCUVRAMUND – dossiers tematicsMAGLIACUDESCHS – blog da lectura

L'implant erigì a la fin dal 13avel tschientaner è attestà indirectamain il 1385 ed il 1387 (Unter-Tagstein). In mir massiv da defensiun protegiva l'edifizi d'abitar davos il chastè. Ils edifizis d'economia sa chattavan probablamain sin la terrassa al sidvest davant il chastè. Suenter la sballunada d'in mir è il portal vegnì spustà a l'ost dal chastè en l'anteriura cisterna. En il 14avel tschientaner tardiv è Ober-Tagstein vegnì devastà d'in incendi ed alura demolì. A l'occasiun d'exchavaziuns e restauraziuns dal chastè il 1980 han ins scuvert divers objects pli pitschens dal 13avel e 14avel tschientaner. [Tenor e-lir].

(Foto: Geca001 / CC BY-SA 4.0 / cropped)