|
Quest comic da l’autur svizzer Franz Zumstein raquinta l’aventura dals «conquistaders dal tschiel» Megi e Maxi che van en tschertga dal stgazi legendar da la Delfina en la Mar dal sid. En vracs sfundrads e cuvels sgarschaivels vegnan els confruntads cun mumias, murenas, raits e criminals. Per fortuna chattan els en il grond Ocean er amis fidaivels. Avant che cuntanscher lur finamira ston els dentant anc schliar in engiavin. Ils dus protagonists principals Megi e Maxi èn forsa enconuschents a l’in u a l’autra tras ils comics u tras ils extracts che cumparan mintg’emna en la gasetta Coop e che fan part a la collecziun tudestga «Die Himmelsstürmer». |
