|
En il reginavel da la Jugoslavia regiva in naziunalissem che francava ina ferma prevalenza serba. La Jugoslavia communista renconuscheva alura expressivamain pliras naziuns, t.a. la croata e la serba, mintgina cun in’atgna republica federativa, plinavant er ina republica da Bosnia-Erzegovina, ma senza atgna naziun. E suenter la Guerra da Bosnia da 1992 enfin 1995 sa chatta la Bosnia-Erzegovina cun sia chapitala Sarajevo pli che mai en tschertga da si'identitad.
(Foto: Christian Bickel / CC BY 2.0) |
