|
Chaglias, chagliom, bostga, bostgam, bostgaglia... I dat pelvaira blers nums per circumscriver il reginavel da las plantas ch’èn bain lainusas e creschan ad aut, ma che n’appartegnan betg a las plantas cun bist aut. Cumbain che la gronda part da las chaglias sa preschenta a l’emprima egliada sco apparientschas da pauc, sa zuppa qua in mund per sasez, plain variaziun e colurs, e betg il davos er ritg da coclas savurusas per animals ed uman.
(Foto: MPF / CC BY-SA 3.0) |
