Vaz Sut (Untervaz) è ina vischnanca situada al pe ost dal Calanda en la Val dal Rain da Cuira. La gronda part da vischnanca ha appartegnì en il temp medieval tardiv al signuradi episcopal d'Aspermont. En il temp medieval tardiv èn immigrads Gualsers ed han germanisà successivamain la vischnanca. En il 19avel tschientaner è impoverida la vischnanca causa las numerusas natiralisaziuns sfurzadas. Il 1958 èn sa domiciliadas a Vaz Sut las Ovras da cement dal Grischun (dapi il 1999: Holcim). En la segunda mesadad dal 20avel tschientaner è sa transfurmà Vaz Sut d'ina vischnanca tradiziunalmain purila ad ina industriala. [Tenor e-lir].

(Foto: Adrian Michael / CC BY-SA 3.0)