|
Grono è in vitg situà sin la spunda dretga da la Moesa a la sbuccada da la Val Calanca. La baselgia da S. Clemente, menziunada il 1219, è vegnida restaurada en ils onns 1935 e 1978. La Torre Fiorenzana, erigida probablamain a la fin dal 12avel tschientaner, è in edifizi da tschintg plauns cun in plan rectangular. Ella era en possess dals de Sax. L'agricultura a Grono è quasi sparida en favur da diversas interpresas industrialas pitschnas e d'in ospital. Dapi il 2017 fan er Leggia e Verdabbio part da la vischnanca da Grono. [Tenor e-lir].
(Foto: Adrian Michael / CC BY-SA 3.0) |
