SCUVRAMUND – dossiers tematicsMAGLIACUDESCHS – blog da lectura

WebQuests èn aventuras d’emprender (tschertgar/scuvrir) cun agid da l'internet. I vegn però tschertgà cun sistem e la tschertga sa drizza tenor finamiras inditgadas. Las respostas e soluziuns vegnan preschentadas en classa. La lavur cun WebQuests pretenda da scolaras e scolars l’abilitad da lavurar cun medias electronicas. Savair ir enturn u emprender a savair ir enturn cun novas medias è in process, uschè che la lavur cun il WebQuest represchenta in'atgna finamira. Las lezias vegnan elavuradas surtut en gruppas. Il magister/la magistra surpiglia la rolla da cussegliader/cussegliadra.

(Foto: Richard Bartz / CC BY-SA 2.5)