|
Curaglia è il lieu principal da la vischnanca politica da Medel/Lucmagn, situà a 1332 m a la via dal Lucmagn. Il num Curaglia appartegna probablamain a «Curwalia», ina furma secundara da «Churwalchen» (documentà il 1095). Il 1642 è vegnida erigida la chaplania da curatur, deditgada a s. Clau. Curaglia era ina staziun da duana situada a l'emprima via realisada tras la chavorgia da Medel a la fin dal 18avel tschientaner. Oz furma il vitg il center administrativ da la vischnanca da Medel cun scola primara e chasa d'attempads per l'entira val. [Tenor e-lir]. |
