Ils signurs da Susch èn attestads il 1299. La tur La Praschun vegn menziunada enturn il 1200, la tur Planta deriva probablamain dal 13avel tschientaner. L'abitadi è vegnì destruì da truppas austriacas durant la Guerra svabaisa (1499). Dal 1635 datescha la fortezza da Chaschinas. En la baselgia gotica ha gì lieu il 1537-38 l'enconuschenta disputaziun da religiun salvada dals spirituals engiadinais. L'emprim plevon refurmà da Susch è stà Durich Chiampell. L'avertura dal tunnel dal Veraina (1999) ha chaschunà in augment considerabel dals occupads en il sectur terziar. Dapi il 2015 fa Susch part da la vischnanca da Zernez. [Tenor e-lir].

(Foto: Adrian Michael / CC BY-SA 3.0)