SCUVRAMUND – dossiers tematicsMAGLIACUDESCHS – blog da lectura

Ils Pajais Bass, ina monarchia constituziunala, èn situads en il nordvest da l'Europa e cunfineschan tranter auter cun la Mar dal Nord. En il decurs dal 17avel tschientaner han ils Pajais Bass pudì schlargiar lur pussanza e fundà colonias tranter auter en l'Asia, en la Caribica ed en l'Africa. Suenter la Segunda Guerra mundiala èn ils Pajais Bass daventads commembers da la Nato ed èn stads confundaturs da la Communitad economica europeica.