La stria Brixa

Radio e Televisiun Rumantscha ha registrà in gieu auditiv cun il titel «La stria dals dents marschs». L'istorgia raquinta da la stria Brixa. Brixa avess segir era gì basegns da geniturs che avessan magari dumandà sch'ella haja lavà ils dents. Pertge Brixa ha dents marschs ed ils uffants rian ora ella pervi da quai. Quai grittentescha ella ed uschia vul la stria ch'era ils uffants hajan mal ils dents e survegnian dents marschs. Per fortuna gidan dentant ils nanins Fluorin, Flip e Flap ils uffants en il cumbat cunter la stria. L'istorgia mussa che mintga uffant po sez far insatge per avair dents sauns e quai a moda divertenta.