Il scriptur e cabarettist svizzer tudestg Franz Hohler è in dals renumads auturs en Svizra ed enconuschent er en la Rumantschia. Dapi 40 onns preschenta el adina puspè la versiun rumantscha dal famus «Totämügerli». L’istorgia da nunsenn che gioga cun suns e tuns dal linguatg, sa numna en rumantsch «Il malur da la fuorcla». Il davos temp ha Franz Hohler er prelegì insaquants da ses texts sco «Impuls» al Radio Rumantsch.