Ils 30 d’avrigl ha lieu mintg’onn il barlot da las strias. Er la strietta sautass quella notg gugent cun las strias grondas. Ma ella ha pir tschientventgaset onns e perquai na prendan las strias pli veglias betg serius ella. Damai ch’ella n’è betg anc ina stria gronda, vul ella almain esser ina buna. Ma cun questa decisiun cumenza il battibugl… Sin dus discs cumpacts pon ils uffants tadlar, sche la strietta vegn vairamain ina buna stria e sch’ella dastga la fin finala sautar cun las strias grondas al barlot da las strias. RTR e LR han realisà quest classicher da la litteratura tudestga dad Otfried Preussler.