Ils onns 1989 e 1990 èn cumparids dus numers rumantschs dal magazin da confirmands svizzer «MC» procurads da la Baselgia evangelica refurmada dal chantun Grischun. L’emprim dals dus carnets entitulà «Da Jesus – sco el entaupa ils carstgauns ozendi, e tge effect ch'el ha gì da lez temp» tematisescha l’ir cun Jesus en la vita d’ozendi. La segunda publicaziun entitulada «nus essan involvids tut» po vegnir splegada ad in poster e vul motivar ils lecturs da sviluppar l'atgna sensibilitad.