«Futur» da Michael Tambini è ina traducziun or da la retscha «Egls averts» da la chasa editura Dorling Kindersley da Londra. Il cudesch cumpiglia 59 chapitels che tractan ils differents aspects ch'han da far cun il futur, per exempel il svilup da las novas tecnologias che vegnan a midar nossa vita. Però er las novas enconuschientschas ch’ins ha da la medischina èn in tema. U la chasa, la citad dal futur, la quala sto sa midar cunquai ch’il dumber da la populaziun mundiala crescha. Quest tom è illustrà cun bleras bellas fotografias, maletgs e skizzas.