La broschura «Sauns dents da latg ha la natira dà a nus… Cun la dretga tgira e nutriment stattan dents e schunschivas sauns!» infurmescha co tgirar ils dents d'uffants. Tematisà vegn la relaziun tranter caries e zutger, tge liquids dar ad uffants pitschens e tge marendas ad uffants da scola. Medemamain mussa la broschura en furma da text e dad illustraziuns co lavar endretg ils dents. Sper questa broschura exista er il carnet da scola per la tgira da dents en versiun rumantscha.

(Foto: Bettina Bels / pixelio)