A la partenza da la senda Gir-Art survegnan ins in palpiri alv e parta alura per ina pitschna spassegiada che maina sur set staziuns. A mintga staziun sa chatta ina platta d'arom cun in reliev che preschenta in chapitel da l'istorgia da «La nav dals nars». Ins tschenta il fegl sin questa platta d'arom e stritga cun ina crida da tschaira suravi per far cumparair sin il palpiri tschertas lingias dal reliev. Sch'ins repeta quest proceder en las set staziuns sin il medem fegl, obtegnan ins la finala in dissegn en set colurs che n'era visibel sin naginas da las set plattas d'arom. Il Gir-Art è adattà per uffants a partir da quatter onns. La versiun rumantscha è vegnida creada per l'Expo.02. Ma Gir-Art cuntinuescha: Infurmaziuns sut www.bildweg.ch.