Peider Lansel è naschì a Pisa nua ch'el ha vivì fin la vegliadetgna da nov onns. Suenter ha el frequentà las scolas a Sent, Cuira e Frauenfeld. Cun 16 onns è el entrà en ils affars da las famiglias Könz e Lansel ad Arezza e Livorno, pli tard a Pisa. L'onn 1906 è Lansel turnà cun sia famiglia en Svizra. A partir da quest temp è el sa deditgà quasi cumplettamain al studi da la cultura rumantscha ed a sia lavur sco poet.